வசைச் சொல்லை உரமாக்கி வாழ்வினிலே உயர்ந்திட்டாய் 

கசையடிகள் பல பெற்றும் வெறுப்பின்றி   அன்பு செய்தாய் 

திசையறியா  மனிதர்க்கு வழிகாட்டும் பெருவிளக்கே 

இசை படவே இன்னும் வாழ்க பல்லாண்டு பல்லாண்டு 

மாறனால் வந்த எழுச்சி அலை பேசி உரையாடல்   
அம்மாவால் வந்த மலர்ச்சி ஏழையின் பசியாறல்  
இரண்டையும் மறுப்பதற்கில்லை ஆயினும் 
என் இதயம் ஏழையின் பக்கம் 
இது கட்சி சார்பல்ல மனித  நேயம் 
அலைபேசுபவர்களைக் காட்டிலும் 
நிலைத்த  பசியுள்ளோர் அதிகமிங்கே 
ஏழைக்கு எட்டும் தொலைவில் 
உணவை வைப்பதே அரசின் கடமை 
பட்டினிச் சாவுகளைப் 
பட்டினால் போர்த்தாதீர் ; 
அடிப்படைக் கடமையை அழகாய்ச்  செய்தவர்க்கு 
அளிக்கலாம் இன்னுமோர் வாய்ப்பு 
அதே நேரம் அரசிற்கோர் அறிவுரை 
ஏழையை ஏழையாகவே வைக்காதீர் 
ஏனெனில் வளர்ச்சிதான் உயிர்மையின்  அறிகுறி 
தேக்கம் அடுத்த 
தேர்தலுக்கு உதவாது